Virféierung vun der Hirstellung vu Spadséierstief aus Louhstaangen Holz. En ale Gebrauch, dee mer erëm opliewe gelooss hunn. D’Grëmmlischter Bengele sinn e fréier weltbekanntent handwierklecht Produkt wat ëm 1900 vun engem Schéifer zu Gremlischt agefouert a bis nom Krich an Handaarbecht produzéiert gouf.

D’Gremlischter Bengele stinn an enkem Zesummenhang mat der aler Eislecker Traditioun vum Louhschläissen. Louhstaangen Holz ass en Eechen Holz dat fréier „geschlass“, dat heescht: geschielt, gouf, well d‘“Louh“, dat heescht: d’Schuel vum jonken Eechenholz, gebraucht ass ginn, fir de Pelz vun Déieren zu Lieder ze gierwen.

D’Holz fir d‘Bengele soll schéi riicht sinn, ouni Knuet. Stecker Holz vun engem Duerchmesser vun 10 bis 15 cm an enger Längt vun 1,20 Meter ginn erausgesicht fir zu engem Bengel verschafft ze ginn. Dem Reesbengel säin Handgrëff gëtt aus dem riichte Stéck Holz gebéit an dono op der Schneckbenck mam Schneckmesser verschafft. No 10 Stonnen Orbicht ass sou e Bengel fäerdeg. Jiddweree kann eis dobäi nokucke kommen.

Manifestation gratuite